Foydalanish shartlari
Hisob
Hisob email va parol bilan yoki Telegram orqali ochiladi. Telegram orqali ochilgan hisobda email manzil bo'lmaydi — kirish har safar Telegram orqali bo'ladi. Hisobdagi ism va manzil faqat sizni tanish uchun ishlatiladi; ular ish maydoningizdagi jamoaga ko'rinadi.
Bot tokeni
Botni ulaganingizda uning @BotFather bergan tokeni saqlanadi — usiz bot nomidan xabar yuborib bo'lmaydi. Token ish maydoningizga tegishli va faqat shu ish maydoni a'zolariga ko'rinadi. Botni o'chirsangiz token ham o'chadi, webhook esa Telegram tomonidan uziladi.
Mijoz xabarlari
Botingizga kelgan xabarlar, kontaktlar va oqim yurishi tarixi ish maydoningizda saqlanadi: usiz bot javob bera olmaydi va analitika ko'rsatadigan raqam bo'lmaydi. Bu ma'lumot boshqa ish maydonlariga ko'rinmaydi va sotilmaydi.
Sizning javobgarligingiz
Bot nomidan boradigan har bir xabar — sizniki. Telegram qoidalariga zid, spam yoki noqonuniy tarqatma uchun javobgarlik oqimni yozgan ish maydonida qoladi. Telegram bunday botni o'zi to'xtatishi mumkin, va bu holatda mahsulot ichida qiladigan hech narsa yordam bermaydi.
Xizmat uzilishi
Mahsulot Telegram Bot API ustida ishlaydi. Telegram tomonidagi uzilish, limit yoki o'zgarish botingizga ta'sir qiladi — bunday paytda oqimlar to'xtaydi va uzilish tugagach o'zi tiklanadi.
Ma'lumotni o'chirish
Ish maydoni egasi istalgan paytda botni, oqimlarni va kontaktlarni o'chirishi mumkin — o'chirilgan yozuv qaytarilmaydi. Hisobni butunlay yopish uchun qo'llab-quvvatlashga yozing.
Savol bo'lsa: @oqimstudio_support